Straight To The Point ni Radyoman Jhun Estanio: Nagtuo kaba nga may milyones nga gitaguan si Presidente Duterte?

Gibulgar sa Office of the Ombudsman ang mokabat sa 1-billion Bank Transactions ni Presidente Rodrigo Duterte ug pamilya sa milabayng katuigan kini basi sa gipa-sakang reklamo ,imbestigasyon sa reklamo ni Senador Antonio Trillanes lV. Matud pa ni Deputy Ombudsman Arthur Carandang, kompermado ang bilyones nga Bank Account sa mga Duterte basi sa migawas na imbestigasyon sa Deputy Ombudsman for Mindanao nga maoy naghawid sa 2.4 billion worth of deposits nga gitu-ohang gikan sa ghost employees sa dihang Mayor pa sa Davao City si Pangulong Duterte nga gikan sa gi-request nga validation sa Anti-Money Laundering Council AMLC sumala sa reklamo ni Senador Trillanes. Dugang ni Carandang nga sa ilang nakuha nga dokumento sa AMLC nakita ang entries,presentations,sources, transaction diin naka indikar ang petsa ug kantidad nga nakapangalan sa membro sa pamilya sama sa common-law wide Cielito Honeylet Avanceña, Ex-wife Elizabeth Zimmerman ug 4-ka mga anak gikan sa pa sa tuig 2004. Apan ang datos murag gibakwi ni Overall Deputy Ombudsman Arthur Carandang sa statement niini niadtong lunes October 2 2017 kay mi-ingon si Carandang nga ang Ombudsman padayon nga nag observed sa confidentially sa imbestigasyon nga gipasaka sa ilang buhatan ug ang iyang gi- hatag nga figure sa dihang nahitabo ang ambush interview sa mga tigbalita gikan sa kopya sa Media nga iya lamang daw gibasa… Naku ano ba talaga kuya?

Niadtong September 28,2017 ang AMLC mipagawas ug statement usab nga wala sila naghatag ug dukomento sa Office of the Ombudsman may kalabutan sa gihimo nga imbestigasyon kabahin sa pundo gani gi-klaro sa AMLC nga dili sila ang source sa nakuhang records ni Senador Antonio Trillanes lV. Naku ano ba talaga kuya saan galing ang account nga gipagawas sa Ombudsman ug ni Senador Trillanes? Tinuod ba ni o kwentong kutsiro lang fake News o katotohanan makalilibog ambot kamo mga kaRadyoMan sa GenSan motu-o bamo nga may bilyones nga kwarta ang mga Duterte?

Si Carandang ang migawas karon nga Public enemy No.1 ni Digong gani iya kining gibaharan nga kong magkagubot man galing ang Pilipinas unahon niya pagpatay si Overall Deputy Ombudsman Arthur Carandang. Si Ombudsman Conchita Carpio Morales nag inhibit sa tanang reklamo sa Ombudsman tungod sa kalambigitan niini sa pamilyang Duterte sanglit iyang pag umangkon si Atty.Manases Carpio anak sa iyang igsoon nga si Atty.Lucas Carpio Jr, na bana ni Davao Mayor Sarah Duterte anak ni Pangulong Rodrigo Duterte.

Sige lang ni balik-balik nga isyo remember nga 2016 sa kasagsagan sa election gi-bulgar nani ni Senador Antonio Trillanes nga may bilyones si Digong but until now wala paman kapamatud-i and here comes again na famous napod tungod sa bag-o nga pamahayag sa Ombudsman dili kaha ni related o resbak ni Ombudsman Conchita Carpio Morales, nga planong ipa-impeach ug gipakanaug ni Pangulong Digong? Daghang problima sa nasud pero ang atong mga opisyal nagkarambula sa ilang posisyon ug trabaho. Gani kadtong impeachment complaint nga gipasaka ni Magdalo Party-list Representative Gary Alejano, naka attached ang Bank deposits ni Presidente Duterte pero gumikan kay insufficient in substance ang reklamo gi-junk sa house Committee on Justice makalibog lagi, maybe usa lang ang tumbok ani nga reklamo yagawon ug gustong ipalagpot gyud sa pwesto si Digong,nagkadungan ang public opinion kay pati ang war against illegal drug gisingit gamit ang survey.

Ang Ombudsman maoy opisina nga nagpamatuod o nag establisar sa corruption samtang ang AMLC maoy nag investigate naga probe sa money laundering busa importante nga maayo ang relasyon aning duha ka buhatan ug dapat dili magamit sa politikanhong kalihukan labaw sa tanan dili mabayaran. Gawas pa grabi ka hina mopa gawas ug resolution ang buhatan sa Ombudsman ang uban officials nga gina kasohan mawala na sa posisyon ang uban patay na.

Sa speech ni Pangulong Duterte sa 120th anniversary celebration sa Department of Justice ug sa induction sa officers sa IBP Davao,sa mi-aging semana gihagit niini ang si bisan kinsa nga pamatud-an ang iyang bilyones nga kabtangan, segun ni Digong kung may makaturo lang na totoo na meron akong deposito bisan one dollar sa Hongkong mokanaug ko sa posisyon kay nabuhi ko sa pamatasan nga akong nakuha sa akong tatay ug nanay. Gitataw sa Presidente nga iyang gi-respito ang internal process sa Ombudsman isip inde-pendent body pagmugna ug fact finding duty apan dili dapat pili-pilion ang mga kaso nga ipasaka sa maong buhatan kay mas daghan pang na-unang kaso na wala pa maresulba pero ang iyang kaso daw sa gidali-dali sa Ombudsman butang nga maka dismaya.

Sumala sa gipagawas nga kopya sa Bank Transaction sa pamilyang Duterte dunay transaction gikan sa usa ka Samuel Uy nag deposito ug kwarta every six months gikan October 2011-April 2013 nga tanan nagkantidad ug 118 million-176 thousand September 18,2006 nakitang Bank Transaction kada unom ka bulan 50-million 13- ka higayon, 40-50 million kada unom ka bulan sulod sa 21-ka higayon, April 1,2014 upat sa Bank Account nag purchased ug life investment insurance Policy worth of 20-million each 80-million total sa usa lang ka adlaw ug October 7,2013 natala ang highest total amount sa Bank Transaction sa kantidad nga 193-million kini nga mga Bank Transaction deposits suma total sa bank Transactions mi-abot sa 2-billion-207 million-257-thousand-961, nga nang gawas ug gi-pestahan karon sa social media.

Kung tinuod man sab ugaling na dunay kapin 2-billion si President Duterte,namakak diay siya sa iyang pagkandidato palang nga nagpatu-ong pobre siya? Liable siya sa iyang Statement of Assets and Liabilities and Net Worth SALN kay nag deklara lang siya ug 27.4 Million sa 2016 gideklarar niya nga 18.4 million lang ang Cash on Hand apil ang Bank Account? Siyam lang ang iyang Real Properties nga tanan sa Davao City sama sa duha ka balay ug Lote, naa siyay Volkswagen,Toyota RAV-4 ug 3-M lang nga real estate properties nga naka pangalan sa iyang anak nga si Veronica.

Now unsa kahay mahitabo ani sunod kay kon si Trillanes ang pa storyahon dapat mo perma ug waiver si Duterte aron makitang katag kong kinsay nagtug-an ug tinuod. But under sa Ombudsma’s rules of procedure nag conduct sila ug Fact- finding nag imbestiga aron ang reklamo mapamatud-an, ma-evaluate kon may basihan ang reklamo kong may basihan magpagawas ug finding, apan kon walay merito ang kaso mamahimong i-dismissed diha-diha, kon ang AMLC report giki- nahanglan aron makapadayon sa preliminary investigation kana maoy dili pa ma klaro karon ka yang AMLC wala man daw nagpagawas ug report ni ang kopya sa bank transaction ni Senador Trillanes dili daw gikan sa AMLC pabiling hearsay ang tagong yaman ni Digong. Pareho sa nahitabo sa Priority Development Assistance Fund ang Ombudsman prosecutors nagbasi sa report sa AMLC ug nahimong basis sa ilang findings nga may corruption nga nahimo si Kanhi Senador Bong Revilla ka yang AMLC naka diskobre nga ang gibulgar sa witness nga si Benhur Luy basi sa ledger nag match sa kantidad ug petsa sa kwarta nga gi-deposito sa account ni Senador Revilla kadtong kickbacks gikan sa bogus nga PDAF scam nila ni Janet Lim Napoles. Importante ang datos nga ipagawas sa AMLC pero mogawas sab kaha ang tinuod nga bank Transaction ni Digong, nga ang head o Executive Director sa AMLC suod man nga higala ni Pangulong Duterte si Mel Georgie Racela nga na appoint lang last September sa Bangko Sentral ng Pilipinas Monetary Board, unya si Mel Racela alumnus ni Digong sa San Beda College of Law. Pero kon wala ang report sa AMLC magamit sa Ombudsman sa ilang imbestigasyon ang SALN sa Pangulo pero sama sa impeachment ni Chief Justice Renato Corona niadtong tuig 2012 kay ang Presidente,Besi-Presidente, Chief Justice, Ombudsman ang basis sa pagpalagpot sa posisyon mao lamang ang impeachment sa panahon nga maka himo ug graft pag- pangawkaw, betrayal of Public Trust, culpable violation of Constitution. Kung tinuod nga nakabaton ug kwarta ang pamilyang Duterte tungod sa anomaliya, corruption angayan lang manubag sila sa katawhan isip piniyalan dili lang ma try by publicity kon dili ma-elivate sa proper court aron manubag ang opisyal dili kay puro lamlam kay wala makuhang hustisya,Sa pikas bahin sama usab kon kini panabotahi lamang ug mani-ubra sa politika tungod sa kahalog sa gahum angayang manubag usab ang ana-a sa likod niining tanan kay ang kaguliyang nga mugna sa panabotahi walay lain magsakrapisyo kon dili ang kinabag-ang katawhan nga nagdamgo sa ka- Laboan sa atong pinalanggang nasud.