Gipermahan na ni Pangulong Rodrigo Roa Duterte ang balaud nga nag postponed sa Barangay ug Sangguniang Kabataan elections na gikatakda unta karong October 23,2017. Ubos sa Republic Act No.10952 nasibog angpili-ay sa Mayo 14,2018 busa magpabilin sa pwesto ang naka pwesto nga Barangay Officials hangtud sa June 30, 2018 isip hold over capacity. Madumduman nga gusto sa Pangulo nga ma postpone ang pili-ay aron ma-undang ang illegal drug trade kon diin 40-porsento sa opisyales sa Barangay ang gika-ingon nga nalambigit sa kalakaran sa operasyon sa iligal nga droga sa tibuok nasud.
Tungod niini gimandu gilayon ni Commission on Elections COMELEC Chairman Andres Bautista nga undangon ang pagpangandam sa poll body ug gihatagan nag kopya ang mga Comelec Commissioner aron makamugna ug draft resolution para susportahan ang suspension sa election. Gikalipay ni Chairman Bautista ang pag- sibog sa pili-ay apan gi-angkon niini nga magpulong ang Commission on elections en Banc aron sabutan kong unsay buhaton sa na-imprentang balota nga mi-abot sa 79-million copy nga nagkantidad ug 178- million pesos nga na imprinta sa wala pa ma-permahan ang RA NO.10952, sunod pangandaman nalang sa Comelec matud pa ni Chairman Bautista ang National and Local Elections sa tuig 2019 diin naka- takdang mag lunsad ug registration alang sa mga bag-ong residente nga gustong magpa-rehistro sa mga Comelec Regional Offices karong buwan sa November .
Dakong hagit alang sa mga Barangay Officials ang postponement sa Barangay ug SK Elections kini ang gibutyag ni Liga ng mga Barangay National President Ed Abesamis, matud pa ni Abesamis kinahanglang magkahi-usa ang tanang opisyal nga batokan ang droga ug kreminalidad aron ma-abot ang damgo sa kagamhanan aminado usab ang ABC National President nga may mga opisyal nga nalambigit sa sindikato busa angayan lamang kining mapatubag,kasohan ug matanggal sa iyang posisyon.
Human nga gipermahan sa Presidente ang balaud sa pag suspenso sa election sa Barangay gibakwi usab sa Philippine National Police ang gipatumang Comelec Gun Ban niadtong October 1,2017 kini ang gipadayag ni PNP Spokesman Chief Supt. Dionardo Carlos, hinoon wala pa nakadawat ug kopya ang PNP apan nakatakdang wad-on niini ang gimuntar nga checkpoints. Apan gitataw ni General Carlos nga may permamenteng Checkpoints nga gimugna ang kapulisan ug kasundalohan isip padayong kampanya sa criminality operations sa tibuok nasud, madumduman nga mokabat sa 22- ka mga individual ang nadakpan sa COMELEC Gun Ban nga unang gipatuman sa PNP u gang korte na ang bahalang mag desisyon sa mga kaso niini.
No big deal man ang postponement sa election basi sa napalabang balaud apan kon mag postponed man lang nganong gidugay-dugay pa nga migasto lamang ang ato nga goberno ug 200-million. Nabasura lang ang milyones nga kantidad nga pwede man lang unta to magamit sa ubang proyekto nga mas kapuslan sa katawhan o kaha mas mapa improbar ang commission on elections sama sa kagamitan ug uban pang gikinahanglan sa Municipa,City ug provincial Offices. Nakatipid man hinoon ug dakong kantidad ang COMELEC kay wala nagamit ang nahibiling kapin 5-billion nga alokasyon sa Barangay and SK Elections but ang nasayang nga kwarta tungod kay naka imprinta na ug mga balota dapat unta gidali ang pagpalabang sa balaud nga nag sibog sa pili-ay aron dili mahinayak ug imprinta dili masayang ang 200-milyon.
Lain pa kong 40-porsento sa mga Barangay Officials nalambigit sa kalakaran sa iligal nga droga kong walay election, samot nga mag fiesta kay wala nay election dawat nag limpiyo, dapat dili hold over capacity kong kumpermado nga may pusher ug protector nga Kapitan ug Kagawad mas maayo unta nga i-appoint lakip tong Kapitan nga inutil, Swerte ang mga residente kong maka angkon ug Kapitan nga masaligan sa panerbisyo ug wala nalambigit sa sindikato,dawbi kon maka tunong ug Kapitan nga tapulan,walay proyekto,kurakot dapat unta nga ilisdan kay pinaagi sa pili-ay kay pagkamakalulu-oy sa katawhan sa Barangay kon maka opisyal ug tambaloslos nagpadako lang sa tiyan kay walay pakabana sa iyang residente, mas labaw nga mas makalulu-oy ang Barangay kon maka opisyal ug protector o kaha adik sa gidiling droga malas lang sa mga residente kay another One year nga maka hasik ng lagim. Itum pa sa ata sa nokos!
