Laing sunod-sunod nga pagpamusil ang natala sa General Santos ,diin ang pinaka bag-ong biktima usa ka Police ug bayot. Sa datos sa Camp.Fermin Lira General Santos City Police Office 83- ka mga kaso na sa pagpamusil ang natala gikan sa enero hangtud sa septembre ning tuiga kon diin 92- ka mga tawo ang biktima, 15- ang gikunsiderang cleared, 15- ang solved samtang 53- ang unsolved. Gikan lang sa September 1 hangtud karon adlawa lima na ang natalang patay sa pagpamusil sa riding in tandem ang pinakabag-o ang pagpusil patay ni PO3 Clark Bachoco u gang bading nga gi-ilang Reynaldo Estrada.
Alas 2:06 sa kadlawon September 10, gipusil patay si PO3 Clark Bachoco, Chief Intelligence officer sa Police Station-5 sa riding in tandem samtang papauli kini sa panimalay sa DoƱa Soledad apan gisundan kini sa mga suspetsado ug pag-abot sa Purok.New Bohol gipusil kini sa makadaghang higayon nga mitama sa likod ug kilid nga miresulta sa kamatayon sa nahisgutang Police naka half mast karon ang flag sa camp.Lira General Santos City Police Office sa pagpatay sa Pulis. Sa susamang adlaw alas 5:10 sa hapon patay sa pagpamusil ang usa ka bading nga si Reynaldo Fontavilla Estrada sulod sa iyang balay sa Phase-A Habitat Barangay Mabuhay. Si Estrada gipusil sa naka taptap nga tawo nga misulod sa iyang panimalay dayon namusil sa pipila ka higayon nga mitama sa iyang nawong hinundan sa iyang kamatayon, dali nga mi- sibat ang suspek sakay sa motorsiklo may kalabutan sa droga ang gilantaw nga anggulo sa Police Station-4 tungod sa nakitang empty sachet ug paraphernalia sa mga gamit sa bading.
Si City Councilor Franklin Gacal Jr,kinsa maoy Chairman Committee on Peace and Order dismayado na sa performance ni OIC City Police Director Sr/Supt. Romeo Ruel Berango tungod sa padayong insidente sa pagpamusil,nag plano ang konsehal nga ipatawag si Berango aron ma-isplikar ang tinuod nga sitwasyon sa seguridad sa syudad, maka- alarma na ang shooting incidents sa General Santos labina nga yano lang napusil patay ang police unsa pa kaha ang mga civilian,subling gihagit ni Gacal si Col.Berango nga himoon ang iyang trabaho ug pamatud-an nga angayan kining mahimong City Police Director sa dakbayan ug ipakita nga kaya niining protektahan ang katawhan sa GenSan.
Ang mga Barangay Purok Chairpersons sa barangay City Hieghts nga nahinabi sa RMN GenSan, nagtu-o gihapon nga masulbad ang patay sa syudad kong trabaho-on lang, imbestigahan gamiton ang intelligence fund,plano ug kinahanglan mokanaug sa matag purok aron makisayud sa sitwasyon Barangay ug dili kay magsalig lang sa report sa katawhan. Dugang pa sa purok leader nga daghan pa gihapong Police nga nag trabaho ug tinarong busa masulbad gihapon ang kremin kon molihok lang kay sila man ang adunay gahum ug responsibilidad.
Mipadayag usab ug reaction ang religious sector kabahin sa pagpamusil nga natala sa syudad segun sa pastor nga na timing lang nga nakahigayon ang mga suspect nga nakahimo sa kremin, subo lang pati ang mga releliyosong sector nga lakip ang Police nabiktima. Hinoon nagsalig gihapon ang Pastor sa police nga maka protektar sa seguridad sa katawhan, mipahimangno usab ang Pastor sa police nga ipatuman ang balaud ug dili kay diretsong mopatay ka yang Dios lamang ang adunay gahum nga mobawi sa kinabuhi sa tawo.
Dili na dapat pahinumduman ang PNP sa ilang tahas kay sa dihang nag training sila ug ni-graduate mi-take oath na sila nga himoon ang responsibilidad isip Law enforcers, dayag sa ilang *vision and mission*, Imploring the aid of the Almighty, by 2030, We shall be a highly capable, effective and credible police service working in partnership with a responsive community towards the attainment of a safer place to live, work and do business. The PNP shall enforce the law, prevent and control crimes, maintain peace and order, and ensure public safety and internal security with the active support of the community. Ang PNP mo protektar sa kinabuhi ug propedad klaro kaayo na sa ilang tahas, dilikado man ang ilang kinabuhi apan ila mang gipili ang maong propesyon ug gi-sweldohan sila isip Police dayag lamang nga sila mo trabaho. Kining nahitabo karon nga sunod-sunod nga pagpamusil patay diin sa 92-ka mga biktima 15-lamang ang na resulba maka ingon ba kita nga nag trabaho ang Police? Kining gakahitabo nga Police mismo ang nabiktima sa riding in tandem makahuna-huna pa kaha ang civilian nga safe ta nga mga residente sa GenSan nga pati sila nga armado dili man gani makapanalipod sa ilang kaugalingon? Asa diha ang mission nga to control crimes,maintain peace and order and ensure public safety akong pangutana ni Director Ruel Berango?
Dili kaha kining nahitabo kang PO3 Bachoco, retaliation o panimalos kini sa mga na biktima sa Extra Judicial Killing? EJK, o kaha sa gi-ingon ni Berango nga Gun for Hire? O kaha sa mga nadakop ni PO3 Bachoco ug iyang mga kaubang Intelligence kay mga operative ni sila sa field? Mga haka-haka lamang ang atong masulti ning panahona kay wala pay resulta sa imbestigasyon sa Police Station-5 diin naka duty si PO3 Bachoco. Unsa kaha ni ngipon sa ngipon? Pero sagad sa mga namatay kay gipang rapido mga nalambigit daw sa droga, pero makatarunganon ba nga kining gagmayng adik, pusher patyon dayon unya kining nagpalusot sa 6.4 billion shabu nga gikan sa China buhi pa? Dako ang pagtu-o sa katawhan nga ang summary killings gikan pa sa milabayng tuig hangtud karon Police o di kaha agent sa Police ang kapang pusil?
Kon tinuod kini may dakong tulobagon sa balaud ubos sa EXECUTIVE ORDER NO. 226,February 17, 1995 nga gipermahan ni kanhi President Fidel Ramos, Under the THE DOCTRINE OF “COMMAND RESPONSIBILITY” IN ALL GOVERNMENT OFFICES, PARTICULARLY AT ALL LEVELS OF COMMAND IN THE PHILIPPINE NATIONAL POLICE AND OTHER LAW ENFORCEMENT AGENCIES. Sec. 1.Neglect of Duty Under the Doctrine of “Command Responsibility”. – Any government official or supervisor, or officer of the Philippine National Police or that of any other law enforcement agency shall be held accountable for “Neglect of Duty” under the doctrine of “command responsibility” if he has knowledge that a crime or offense shall be committed, is being committed, or has been committed by his subordinates, or by others within his area of responsibility and, despite such knowledge, he did not take preventive or corrective action, dapat nga manubag si Col.Ruel Berango ani kay balik-balik lang kining kremin nga nahitabo sa iyang AOR ug dayag sa Doktina sa command responsibility adunay siyay tulubagon. Kung gi- tolerate ug gipasagdan niya ang iyang subordinates ang iyang tawo nga magbuhat ug kremin, sama sa gidudahan sa publiko nga adunay kalabutan ang Police aning EJK then dayag nga supak kini EO No.226 demodo accountable si Col.Berango o bisan pa si PRO-12 Regional Director General Cidrick Train. Dili ninyo mabasol ang katawhan nga magduda nga kamoy promotor aning patay sa GenSan tungod kay halos walay kasulbaran ang kaso, walay prevention, ug labaw sa tanan walay na- dakpan sa halos gakahitabong kremin,kong naa man galing taman ra sa filing of the case tapos na? Karon challenge ni ninyo GSCPO sulbara ninyo ang pagpusil patay sa inyong kabaru kay kon dili na masulbad nan magduda ang katawhan kon may kapasidad ba ang PNP nga mogukod sa mga kreminal, kay posibli nga resbak ang pagpusil kay PO3 Bachoco, posibli nga related sa trabaho pero posibli sab nga may lain hinundan kana maoy suta-on ninyo, pagka insulto police napatay sa riding in tandem tama lang ang gi-ingon ni konsehal Gacal, ipatawag si Col.Berango sa konseho ug ipa- isplikar kong unsay sitwasyon sa kahusay ug kalinaw sa GenSan,dapat manubag siya sa katawhanā¦. Itum pas ata sa nukos!
