Davao City – Niadtong mga lungsuranon sa probinsya sa Davao de Oro ug Ormoc City kinsa natanggong denhe sa Davao Region ug uban pang parte sa nasud gumikan sa COVID-19, adunay pasalig nga sila sundoon ug luwason gikan sa ilang nahimutangan.
Sa interview sa radio social commentary program ‘Straight to the Point,’ gipasalig ni Davao de Oro Provincial Gov. Jayvee Tyron Uy nga gi-finalisar na sa Kapitolyo ang usaka rescue hotline diin mamahimong kadangpan sa mga stranded Davao de Oro residents.
Ugmang adlawa, i-anunsyo usab si Uy ang usaka ‘big decision’ kalabutan sa kampanya sa LGU-Davao de Oro kontra COVID-19.
Sa pikas bahin, gipasalig ni Ormoc City Mayor Richard Gomez nga gi-montar na usab nila ang usaka crisis intervention program for stranded residents.
Matud sa alkalde, sa point of origin kun gigikanan pa lamang sa mga stranded Ormocanons, ipailawom na sila sa makuting checkup sa mga health authorities.
Sa higayon nga sila mahiuli na sa ilang lungsod or yutang natawhan, dili usa sila tugtang makabalik sa ilang tagsa-tagsa ka mga panimalay sanglit gikinahanglang mopailawom una sila sa makuting 14-day mandatory quarantine procedure.
Sama sa Davao de Oro ug Ormoc City, aduna usay COVID extraction plan ang Davao City ubos kang Mayor Sara Duterte-Carpio.
RadyoMan June Duterte
