Matud ni TF Davao Commander Col. Darren Comia usa sa ilang estratehiya nga pagabuhaton mao ang pagpakusog sa Foot ug Mobile Patrol sa iyang mga ginsakpan ngadto sa tanang strategic areas kansang maoy ginaadtoan sa bagang duot sa katawhan.
Plano karon ni Comia, mokuha sa iyang mga sakop nga nadestino sa mga borderlines aron magpahigayon og foot patrol sa mga lugar nga nalakip sa strategic o downtown areas sa syudad.
Segun ni Comia, ang maong lakang kabahin sa gitawag nga rationalized kon re-alignment kini aron pagsegurong luwas ang mga Dabawenyos gikan sa mga dautang elemento ilabi na sa mga terorista.
Nasuta nga nag-ugat ang lakang sa commander human sa natigayong pagpabusikad sa usa ka sakyanan nga gipanag-iyahan sa abogado nga nahitabo sa Ecoland sa miaging adlaw hinoon daling gitataw ni Comia nga wala kini kalabutan sa terorismo kay work related ang motibo niini.
RadyoMaN Joel Viray
