Davao City – Alang nako, gikinahanglan na gayud nga mamahimong mas pro-active, creative ug tun-an pag-ayo ang tanang mga taktika ug istratehiya aron magmalampuson ang atong nasudnong kampanya kontra krimen.
Gikinahanglan na kaayo nga gamiton sa estado ang tanang mga rekursos ug logistics niini sama sa binilyon ka pesos nga Intelligence Funds haron palig-onon pa’g maayo ang law enforcement operations sama sa ‘intelligence gathering,’ ‘buying of vital information,’ ‘greater police visibility’ pinaagi sa mas halapad nga presensya sa mga awtoridad pananglit kining foot patrol sa mga ginsakpan sa kapulisan, mas daghang CCTV cameras, random checkpoints ug uban pa.
Angay na nga seryosong tun-an pag-usab ang istratehiya sa kapanahunan ni kanhi Pres. Ferdinand Marcos diin iyang gimando ang kamugnaan sa usa ka pinasahi nga grupo sa mga anti-crime special operatives gitawag nga mga ‘Secret Marshals’ kinsa nagtakuban nga sibilyan haron masanta ang nagapanghitabo nga kriminalidad sa mga kasyudaran.
RadyoMaN June Duterte
