Davao City – Maagian na ang mga dalan nga gibaha dinhi sa Davao City kagabii.
Sumala sa City Disaster Risk Reduction and Management Office o CDRRMO, dali ra mihubas ang tubig baha.
Sa report sa CDRRMO kagabii, gibaha ang pipila ka mga dalan sa San Vicente, Buhangin, Brgy. Sirawan, Laverna, brgy. Cabantian ug uban pang kadalanan tungod sa kusog nga pag ulan.
Hinuon walay nahitabong pre-evacuation apan padayong gipahinumduman sa CDRRMO ang publiko nga magbinantayon.
Samtang sa lakat sa panahon karong adlawa, tama-tama ngadto sa kusog nga pag-ulan nga dunay kusog nga hangin ug kilat ang masinatian sa Davao Occidental sumala sa Pag-asa.
Ang Zamboanga Peninsula, SOCCSKSARGEN ug Davao Region maka angkon sa mapanganuron nga kalangitan inubanan sa katag katag nga pag ulan, kilat ug pagpanalugdog tungod sa LPA.
RadyoMaN Renz Barbarona
