Davao City – Arestado sa Sta. Ana PNP ang laing tigpayuhot og iligal nga droga human nakuhaan og upat ka sachet sa gituohang shabu nga mukantidad og 6 mil atol sa ilang gilusad nga buy bust operation alas 5:45 sa hapon didto sa may Bankerohan Barangay 5-A siyudad sa Davao.
Sa report gikan sa Sta Ana PNP ang dinakpan nailang si Ronie Gingo alyas Onie, 31 anyos kinsa nagpuyo sa New Matina Gravahan ning syudad.
Matud pa positibong napalitan og gituohang shabu ang suspek ug narekober sa kapolisan ang 500 pesos buy bust money ug mga illegal drug paraphernalia.
Si Gingo gikonsidera sa kapolisan nga street level pusher kinsa nagapamaligya og shabu sa maong lugar.
Ang dinakpan balhug na sa Presinto Uno mag atubang kini og kasong kalapasan sa R.A 9165 kon Comprehensive Dangerous Drugs Act of 2002.
RadyoMan Don Pulayao
