CAUAYAN CITY – PORMAL NANG INILUNSAD SA BRGY. DADAP, LUNA, ISABELA ANG STREETLIGHTING PROJECT.
ANG PROYEKTO AY PINONDOHAN NG FY 2024 SEAL OF GOOD LOCAL GOVERNANCE INCENTIVE FUND (SGLGIF) UPANG MAPABUTI ANG KALIGTASAN SA KALSADA.
PINANGUNAHAN NG MGA OPISYAL NG BAYAN AT KINATAWAN MULA SA DILG ANG SEREMONYA, KABILANG SINA MAYOR ADRIAN LEANDRO TIO, VICE MAYOR LELAMEN SOINGCO, AT MGA OPISYAL MULA SA REHIYON AT LALAWIGAN.
AYON KAY DILG REGIONAL DIRECTOR AGNES DE LEON, ANG PROYEKTO AY PATUNAY NG TAMANG PAGGAMIT NG PONDO PARA SA KAPAKANAN NG MAMAMAYAN.
DAGDAG PA NI PROVINCIAL DIRECTOR CORAZON TORIBIO, PATULOY NA DAPAT PALAKASIN ANG SERBISYONG PAMPUBLIKO SA LUNA.
MAY KABUUANG 16 NA STREETLIGHTS ANG ITINAYO SA 750 METRONG BAHAGI NG NATIONAL HIGHWAY MULA BRGY. DADAP PATUNGONG JUNCTION NG LUNA-CAUAYAN, NA NAKAKATULONG UPANG MAGING LIGTAS ANG MGA RESIDENTE AT MOTORISTA.
