Tungod sa global crisis nga hatud sa COVID-19 pandemic, daghang pamilya ang labing naapektuhan ug naglisod sa pagsustenir sa ilahang matag panginahanglan.
Daghang negosyo ang gipahapla ug libuan ang nawad-an og trabaho.
Sa matag krisis nga giagian sa sulod sa atong mga pamilya labing importante ang kalig-on sa atong pagtoo sa Ginoo taliwala sa mga pagsulay kini matud ni Rev. Rueland Badoy sa Peace International Apostolic Ministries.
“Kinahanglan gyod ang Ginoo ang mag-build sa atong panimalay. We looked up to God and we wanna say the situation though challenging naay paglaum sa Ginoo. Pasalamat ta sa Ginoo sa almost 1 year nga pandemya buhi gihapon ta. Ang iyahang pulong gyod Psalm 127:1 : Unless the Lord builds the house,
those who build it labor in vain.”
Sa survey nga gipagula sa Asian Development Bank Institute niadtong nakalabayng tuig 2020 bulan sa Setyembre, daghang mga pamilya sa Pilipinas ang nakasinati’g kapit-os tungod sa COVID-19 itandi sa laing mga kanasuran sa Southeast Asia.
Pito sa 10 ka mga household nga gi-survey ang nagkanayon nga nahanaw ang trabaho o nagkulang ang pangita sa ilahang pamilya nunot sa pandemya.
Matud ni Rev. Badoy, ang Ginoo dili pasagdan ang matag usa kanato, kay tingali niagi ta’g problema apan ang Diyos gahatag kanunay og blessings atubangan sa trials.
“It breaks our hearts to hear kay ingon sa DOLE mga 10 million Filipinos lose jobs. It breaks our hearts. Pero ang matag usa gihatagan sa Ginoo og gasa ug talento ang uban naka-diskobre nga kabalo sila magluto, their talents were developed now and they can earn in some ways, they can do selling,”
Gidasig niini ang kada miyembro sa pamilya nga pahugtan ang ilahang pagtoo ug padayong mag-ampo sa Ginoo sulod sa ilahang pinuy-anan.
“Maganda po over meal time, maybe read a passage, pananglitan, Psalm 23, mu-sharing ta unsa ang atong pagsabot, unsay mensahe sa Ginoo. We learn together daghan kaayong mga online karon nga mga worship services ug teachings that will help them strengthen their faith.”
Maingon nga blessing in disguise ang pandemya.
Karon nga panahon naandan na ang work from home ug pati pag eskwela sa mga kabataan sa balay na nga ginahimo, lisod man tuod ang nahitabong kausaban, gamiton nato kining oportunidad sulod sa atong mga panimalay sa pagsangpit ug paglig-on sa atong pagtoo isip usa ka pamilya.
RadyoMaN Aimee Guinita
