Davao City – ‘Accumulated stress’ sa usa ka bata nga nasinatian nganong mulayas kini sa ilang panimalay.
Kini maoy gipasabot ni Philippine Mental Health Association (PMHA-Davao) Executive Director Precious Manliguez atol sa pakighinabi kaniya sa tulumanong ‘Straight to the Point’.
Gibutyag ni Manliguez nga ang mga posibleng rason mao ang physical ingon man verbal abuse, pag-neglect sa usa ka gihandum sa bata apan wala gipasabot sa ginikanan kung nganong dili possible matuman, ug problematic relationship sa usa ka pamilya diin walay oras nga makapadayag ang bata sa iyang ginikanan.
Dugang ni Manliguez, maong pilion sa bata nga mokuyog sa iyang co-minor gumikan kay makabati sila og acceptance diin ginatolerate usab ang ilang mga batasan.
Sumala sa executive leader sa PMHA-Davao nga mubalik sa proper parenting ang solusyon sa maong problema.
“Dapat naay mu-mediate sa both parties para mahatagan ang bata og chance nga muexpress ngadto sa iyang parents,” segun niini.
Gani nag-awhag usab kini sa mga ginikanan nga suportahan ang ilang mga anak gumikan kay aduna na kiniy kaugalingong environment diin anaa usab ang ilang presensiya pinaagi sa pagpaminaw ug pag giya ngadto kanila.
RadyoMaN Jason Amisola
