Davao City – Aron masiguradong magpabiling luwas ang mga mosque dinhi sa dakbayan subay sa nahitabong pagpamomba sa Our Lady of Mt. Carmel Cathedral sa Jolo, Sulu niadtong Enero 27 ug sa Mosque Talon Talon sa Zamboanga niadtong Enero 29 adunay mga iimplementang hugot nga security protocol ang mga Muslim leaders.
Sa gipadalang sulat nila Madrasah Program Davao Executive Program Director Aleem Jamal Muni ug Aleem Muhmaad Pasigan Mufti sa Region XI ngadto kang Davao City Mayor Inday Sara Duterte-Carpio ilang gipresenta ang gimugnang guidelines atol sa gipahigayong meeting sa mga Imam sa Madrasah Office ala-1:00 sa hapon adlawng Huwebes.
Gidili ang pagdala og mga backpacks, dagkong bags, boxes ug bulky plastic bags inay itugot lang ang mga gamay nga bags para sa ilang mga kwarta, susi ug cellphone.
Sumala sa maong guidelines magpatuman og maximum security sa mga mosque.
“Niqabi will be subjected for body-check by a woman. All vehicle entering mosque will be checked,”
Gi-request usab sila og security personnel nga mu-secure sa mga Mosque atol sa mass, worship ug uban pang religious celebration.
Wala usab matugutang matulog sa Mosque ug tanang mga suspisyusong indibidwal sa komunidad susihon ang identity o i-profile.
“Tablig will not be accommodated in Muslim Communities until further notice,”
Ipakatag usab nila ngadto sa tanang Imam ang mga PNP-AFP ug Task Force Davao hotlines ug mga contact numbers usab sa mga Muslim Deputies, Madrasah Director ug Mufti Region XI ipahibalo ngadto sa mga Muslim Leaders.
Gipaniguro sa Muslim leaders nga mamahimong aktibo ang Muslim Community aron magpabiling malinawon ug hapsay ang dakbayan.
“Rest assured that the Muslim Community in Davao City will not only be an active stakeholders in bringing peace in our city but will engage in all activities that will uphold unity and productive co-existence. We continue to pray for our leaders as well strive for peace and justice for the victims of terror and oppression all-over the Philippines,” pamahayag niini.
RadyoMaN Aimee Guinita
