Davao City – Hitsas na ang Commission on Elections (COMELEC) XI alang sa filing of certificates of candidacy (COCs) sugod ugmang adlawa Biyernes Oktobre 1, 2021 kutob Oktobre 8, 2021.
Sa interbyu sa RMN Davao kang Atty. Gay Enumerables, COMELEC XI Assistant Regional Director, strikto nilang ipatuman ang health ug security protocols uban ang PNP sa pagseguro nga walay mahitabong kakulian atol sa filing sa COC.
“Prepared na ta tanan, ang atong mga election officers naningkamot pag-ayo nga ma-arrange ang venue for the filing and nakig-coordinate na ta sa PNP for the security aspect sa area,” sumala niini.
Usa ka kandidato ug duha lang ang itugot nga escort o kauban niini ang makasulod sa COMELEC office.
Nagpahimangno si Enumerables sa tanang aspiring candidates nga kinahanglan kumpleto ang ilahang mga dokumentos ug na-review na ang tanang mga information una nila i-file ang ilahang mga COCs.
Ang tanang dokumentos ma-download kini sa COMELEC official website.
Sa mga dili personal nga makaadto gitugot sa COMELEC ang mga authorized representative basta aduna kiniy mapakita nga sworn ug signed authority to file COC gikan sa aspiring candidate.
RadyoMaN Aimee Guinita
