Roxas City, Capiz – Isa na naman ka pamilya ang nangin resipyente sang ginpatukod nga poluy-an sang mga katapo sang Roxas City PNP kag Capiz PPO paagi sa Bahaynihan Program: Bahay at Kabuhayan Nila Handog Namin, Kapwa ko Sagot Ko.
Ginpangunahan ni CPPO Provincial Director Col Julio Gustilo Jr kag Lt Col Ricardo Jomuad Jr hepe sang Roxas City PNP ang ginpatigayon nga awarding ceremony sa bag-o nga poluy-an nanday Arnold Joseph sang Sitio Nipa Culasi Roxas City.
Nahibaluan nga lima ka tuig wala makapamanday matapos ini ang na-stroke.
Ginpahayag ni Col Julio Gustilo nga magapadayon ang ila nga kun may yara sang nagasuporta. Iya man nga ginpasalamatan ang tanan nga stakeholders agud nga mangin mabinungahon ang nasambitan nga programa.
Samtang dako naman ang pagpasalamat sang anak ni Arnold Joseph nga si Arnold Joseph Jr sa ginhatag sang kapulisan nga razor kag iban pa nga gamit sa paggunting. Mangin dako ini nga bulig sa iya agud nga gamiton bilang pangitan-an.
