Gibalhin na ang strong checkpoint nga gimontar sa Lumbo, Valencia City ngadto sa CMU, Musuan, Dologon, Maramag, Bukidnon.
Sa interview sa RMN Malaybalay ngadto kang PLTCOL Surkie Serenias, ang hepe sa Valencia City Police Station gibutyag niini nga gi-address sa mao nga checkpoint ang diversion road nga lusot ubos sa bag-ong gimontar nga checkpoint.
Nasayran nga posibleng gamiton ang diversion road sa mga dautang elemento aron malikayan ang checkpoint sa Lumbo hinungdan nga dili kini mahimong epektibo sa anti criminality campaign sa kapulisan.
Sa karon, nangayo na ug pagtugot ang PNP ngadto sa Department of Public Works and Highways kon DPWH alang sa pagtukod sa mao nga checkpoint.
Ang mao nga lokasyon boundary sa Maramag ug Valencia City.
Sa inisyal nga agreement sa PNP, adunay sharing sa manpower nga mubantay sa maong checkpoint diin muhatag ug usa ka team ang Maramag Municipal Police station ug usa ka team sa PNP Valencia ug abagan sa Mobile Forces.
Gibutyag ni Serenias nga usa ka strategic ang mao nga lokasyon tungod kay wala kaayoy komunidad sa palibot aron kung adunay mahitabo nga fire fight walay sibilyan ang madamay.
