Davao City – Kung adunay gibasehan si Presidente Rodrigo Duterte nga tawgong usa ka teroristang grupo ang New Peoples Army (NPA) mamahimo ilabina kung dili na idolohiya ang ilang mga tinguha.
Sumala ni Ateneo de Davao University (ADDU) law professor Atty. Arnold Abejaron, kung tan-aw sa presidente angayan silang i-deklarang mga terorista mamahimo niya kini.
Samtang sa hisgutanang pagdeklara og revolutionary government matud ni Abejaron, himoon lamang kini kung wala nay laing paagi aron masulbad ang kagubot sa usa ka nasod.
Giklaro usab sa law professor kabahin niining hisgutanang lugwayan pa ang martial law inay nga matapos karong decembre 31, mag-agad gihapon sa sitwasyon ilabina sa Mindanao bisan og natapos na ang giyera sa Marawi apan ang ubang lugar aduna pa gihapoy hulga sa terorismo gikan sa nagkadaiyang pundok nga mamahimong maghimo ug kasamok apil na niini ang NPA.
RayoMaN Bernard Pantallon
