Davao City – Padayong modawat ang City Government of Davao og aplikasyon aron mamahimong benepisyaryo sa Student Siblings’ Laptop Sharing Project” diin 300 ka laptops ang ipanghatag aron makatabang sa online classes sa kwalipikadong estudyante.
Matud ni Davao City Mayor Sara Duterte-Carpio , usa sa mga basehan o qualifications niini mao ang mga estudyante sa Junior ug Senior High School nga adunay duha o tulo ka igsoon nga nag eskwela.
“Ang ginabuhat nato karon samtang naghulat ‘ta nga muingon ang donor nga ‘we are ready to distribute,’ naga identify ‘ta og mga beneficiaries because mao ang atong task in this partnership,” saysay ni Duterte-Carpio.
Giklaro usab nga dili na maka-avail niini ang mga enrolled na sa ubang scholarship programs sa lokal nga gobyerno sama sa Eskwela Davao, STEP scholarship, ug CHED and LGU Davao Tulong Dunong.
Sa mga intesadong estudyante, mamahimong mag e-mail sa specialprojects.davaocitygov@gmail.com aron ma-download ang application forms ug maoy ihulog sa dropbox gawas sa Pasalubong Center kilid sa People’s Park gikan September 21 to 23, 2020, alas 8:00 sa buntag hangtud alas 3:00 sa hapon.
RadyoMaN Kirby Manzon
