Davao City – Himuon karong adlawa, Marso 12, 2020 ang advance examination sa mga estudyante sa Davao City National High School (DCNHS) inay nga himuon kini sa sunod nga semana.
Sa interbyu sa DXDC RMN Davao kang Jed Bete, School Media Relation Officer, gibutyag niini nga usa kini sa mga measures nga ilang gipatuman isip tubag sa memorandum nga gipaabot ni Department of Education (DepEd) Secretary Leonor Briones aron kalikayan ang hulga sa Coronavirus Disease 2019 (COVID)-19.
“Ang amoang examination nga supposedly karon hangtud Biyernes for the graduating class. Para sa lower years, amoa siyang i-adjust ug himuon namo siya tanan og March 12,” saysay ni Bete.
Samtang gitataw ni Bete nga wala pa silay eksaktong petsa sa mga graduation exercises labi na nga naga usab-usab ang advisory labot niini.
Gipasabot sa opisyal nga mas maayong sundon ang anunsyo sa lokal nga gobyerno ingon man sa DepEd.
RadyoMaN Kirby Manzon
