Davao City – Gi-awhag karon sa Philippine Drug Enforcement Agency (PDEA) ang ubang kolehiyo ug unibersidad nga mag lusad og random drug testing ngadto sa ilang mga estudyante.
Kini human nagpakita og interes ang Ateneo de Davao University (AdDU) ngadto sa ilang buhatan nga maglusad sila karong School Year og random drug testing sa mga estudyante gikan first year high school hangtod kolehiyo.
Giklaro ni PDEA XI Regional Director Atty. Ben Tesiorna nga posible lang kini kung nahilakip sa ilang student handbook.
Saysay ni Tesiorna nga willing ang maong unibersidad nga mu-shoulder sa mga galastuhon bisan pa man sa balaud ang gobyerno ang mugahin og pondo sa maong aktibidad.
Gani abli ang buhatan sa PDEA ngadto sa mga tulunghaan o pribadong establisemento nga buot maglusad og random drug testing sa ilang mga estudyante o trabahante.
Ilawom sa Executive Order 66, rekisitos sa tanang ahensiya ug institusyon nga magbaton og drug-free workplace.
Sa pagkakaron usab nakigkoordinar na ang Davao City Anti Drug Abuse Council (CADAC) ngadto sa mga establisemento nga adunay 10 ka mga trabahante kung unsaon pag-implementar sa E.O. 66.
RadyoMaN Jason Amisola
