Kagahapong adlawa ge inquest na sa kapulisan sa Sergio Osmeña ang usa kabatan-on nga studyante human kini nakuhaan ug armas de fuego didto sa usa ka pampublikong tulunghaan sa sekondarya sa maong lungsod.
Karong adlawa posible nga mapasaka ang kaso sa korte batok kang Alberto Navarro, 19 anyos taga brgy. Marapong, Sergio Osmeña aron manubag sa illegal nga paghupot sa armas.
Base sa imbistigasyon nga gihimo ni PO3 Reynante O. Bersales, kini si Alberto naaktuhan sa sakop sa AFP nga naghupot matod pa ug armas atol sa nahitabong kagubot sa nahisgutan nga tulunghaan.
Gilayong gikumpiska sa mga tinugyanan sa balaod ang kalibre nga revolver kargado sa tulo ka mga buhing bala, kasamtangan karong nagtingkagol sa lock-up cell sa Sergio Osmeña MPS ang dinakpan samtang nagpaabot sa kasong gipasaka batok kaniya.
Kasong paglapas sa R.A 9284 kun Illegal possession of firearms and ammunition ang atubangon ni Alberto karong adlawa.
