Prisohan karon ang gidangatan sa usa ka 28 anyos nga lalaki human kini nasikop sa gihimong operasyon sa kapulisan sa lungsod sa Labason.
Ang sakop sa Labason MPS sa pagpanguna sa hepe nga si PC/Insp. Roldan Molate naghimo kini ug buy bust operation didto sa Brgy. La Union, Labason nga kung diin miresulta kini sa pagkasikop ni Junrey Pasaforte alyas Jong2x, usa ka studyante sa kolehiyo, nagpuyo sa Brgy. Lawigan, Labason.
Na laang kini siya human napalitan ug gamay nga pakete adunay sulod nga white crystalline substance nga gituohang shabu sa nagpailang buyer.
Sa walay pagduha-duha human nakuha ang item gilayong gisikop sa mga tinugyanan sa balaod, nakuha sa iyang posisyon ang tulo ka gagmayng pakete nga gituohang adunay sulod nga guinadiling droga, duha ka mga cellphone, lakip ang gigamit nga buy bust money nga nagkantidad sa P800.
Ang dinakpan napasakaan na ug kasong paglapas sa R.A 9165 Comprehensive Dangerous Drugs Act of 2002.
