ICYMI
Usa ka estudyante nga migraduar sa Xavier University sa Cagayan de Oro City ang migawas nga topnotcher sa 2017 Mechanical Engineering Board Exam, kini basi sa impormasyon gikan sa Professional Regulation Commission.
Si Jay Nelson Corbita ang nahimong ranked no.1 sa maong exam sa score nga 92.20 percent. Matud pa sa PRC nga sa 5,098 ka mga examinees, 3,517 lamang ang nipasar sa maong exam.
Nakuha usab ni Von Eric Damirez sa University of Batangas ang ikaduhang pwesto sa score nga 90.15 percent nga gisundan usab ni Teofilo Gregorio De Lima Ayo IV sa Camarines Sur Polytecnic College-Nabua, John Bert Bringino Onrubia sa Bicol University-Legazpi, Nelbert Iligan Sumalpong sa Notre Dame University ug Jakal Suyo sa Ateneo De Davao University nga nakakuha usab ug 90.10 percent.
Si Aaron Mendoza Constantino sa Technological Institute of the Philippines-Manila ang nakakuha sa ikaupat nga pwesto sa score nga 89.90 percent. Ikalima usab sa maong exam sa score nga 89.75 percent sila si Lean Maverick Nikko Alcantara sa Don Mariano Marcos Memorial State University-San Fernando ug John Nico Navarete Omlang sa Technological University of the Philippines-Manila.
Si Reymar Nureal sa Don Mariano Marcos Memorial State University-San Fernando ug Juan Manuel Bustamante Manzano sa University of the Philippines-Diliman ang nakapwesto sa Ikaunom ug ikapito sa score nga 89.65 ug 89.50 percent.
Samtang si Paolo Raphael Maningas sa Bulacan State University-Malolos ang nakakuha sa ikawalo nga posisyon sa score nga 89.45 percent ug Alfredo Yap Relucio Jr. sa De La Salle University-Manila ang anaa sa ikasiyam nga pwesto sa score nga 89.40 percent ug si Mark Joseph Carlos sa Saint Louis University ang ika napulo sa score nga 89.10 percent.
Gipahigayon ang maong exam sa mga syudad sa Manila, Cebu, Davao, Baguio, CDO ug Lucena.
Usa kini ka dakong garbo karon sa katawhan sa City of Golden Friendship. Ikaw idol unsay imong gibati mahitungod niini? Feeling proud ka ba usab sa atong kauban nga Cagayanon?
