Nakakulong na ngayon ang stuntman ng isang TV network matapos mahulihan ng hindi lisensyadong baril ng CIDG.
Kinilala ni Lt Col. Domingo Soriano, hepe ng CIDG Detective and Special Operations Unit ang suspek na si yan Martin Cabanas, 38 taong gulang.
Dinakip si Cabanas kahapon sa tinutuluyan nito sa San Andres, Cainta, Rizal sa pamamagitan ng warrant of arrest dahil sa kaso nitong illegal recruitment.
Ang suspek ay marami nang nabiktima na humingi ng tulong sa CIDG.
Ngunit nang mahuli ito, nakuha sa kanya ang ibat ibang klase ng mga baril at bala, kasama na ang hindi lisensyadong .22 calibre rifle.
Narekober rin mula sa suspek ang isang ID at badge ng NBI.
Sinasabi kasi ng suspek sya rin ay volunteer ng NBI na bineberipka pa rin hanggang sa ngayon.
Dagdag na kasong paglabag sa R.A. 10591 o Comprehensive Firearms and Ammunition Law ang kakaharapin ng suspek.
