Davao City – Gikatakda ipailawom sa otopsiya sa mga otoridad ang patay’ng lawas sa usa ka caretaker sa subdivision aron masayran ang hinungdan sa kamatayon niini.
Subay kini sa request sa igsoon nga si Ret. MSgt. Ronaldo Inot aron masayran ang tinuod nga hinungdan sa kamatayon sa biktima nga giilang si Rufo Inot Jr., residente sa Saint John Subdivision, Cabantian, Buhangin ning siyudad.
Nahibaloan sa inisyal nga imbestigasyon, usa ka roving guard nga si Nestor Gura ang nakadiskubre sa biktima nga naghapla na sa balkonahe ug wala nay kinabuhi sulodd sa maong subdivision pasado alas-4:00 sa hapon.
Gi-aksyonan na og kaon sa mananap ang parte sa nawong sa biktima.
Sa karon, wala pay gipagula ang mga imbestigador kung unsay rason sa kamatayon sa biktima sanglit walay samad o bun-og nakita sa lawas sa niini.
Gidala na sa punerarya ang biktima alang sa ipahigayon nga otopsiya sa patay’ng lawas sa caretaker.
RadyoMaN Joel Viray
