Subject sang buy bust operation nga nalagyo, nagsurrender gilayon sa kahadluk nga matiruhan sang kapulisan.

Bangud sa kahadluk nga matiruhan sang mga pulis, nagsurrender na lamang ang subject sang buy bust operation matapos nakapalagyo.
Ginkilala ang suspek nga si Vincent Villamala alyas karaho, 24 anyos sang barangay San Juan, Molo.
Una diri, nabaklan sang poseur buyer si karaho sang isa ka sachet sang suspected shabu sa balor nga 600 pesos.
Subong man nagdalagan ini kag naglumpat sa punungan apisar nga naposasan na sa iya natuo nga kamot.
ginpahayag ni Police Chief Inspector Marlon Valencia, hepe sang Molo PNP nga nagsungka man gilayon si Villamala sa kahadluk nga mapatay kon tiruhon sang kapulisan.
Sa pihak nga bahin, isa pa ka subject sang buy bust operation ang nadakpan sang Molo PNP.
Ginkilala ang nadakpan kay alyas Dada Encarquez sang Iligan City apang naga-board sa Zone 2, Boulevard, Molo.
Nakuha sa iya ang 9 ka sachets sang suspected shabu kag 600 pesos nga buy bust money. (sspunay)

Facebook Comments