Patay ang subject sang buy bust operation sa banwa sang Pototan matapos magbatu sa kapulisan.
Ginkilala ang subject nga si kay Valentino Gonzales 60 anyos ” alias Mino”.
Las 2:45 kaina sang hapon sa Rizal Street Brgy. P. Ledesma Ward ,Pototan, sang ginpatigayun sang Provincial Drug Enforcement Unit kag Pototan PNP ang operasyun sa diin nabaklan sang isa ka sachet sang suspected shabu si Gonzales.
Subongman, nagbatu ini sang namutikan nga pulis ang nagbakal sa iya sang ilegal nga druga..
Sa initial nga report nga nakaagum ini sang pilas sa iya li-og kag gin dala sa Iloilo Probinsyal Hospital apang gin deklarar nga dead on arrival.
Na recover sa position sang suspect ang 10 ka sachet sang shabu kag sa pag patigayun nga imbestigasyun sang SOCO nakatigayun naman sila nga makakuha sang tatlo ka sachet sang shabu, Isa ka 38 caliber revolver, isa ka 12 gauge pistol kag bala, tooter kag tatlo ka celphone.
Suno kay OIC Brgy.Captain John Jurilla sang Brgy. P. Ledesma Ward nga wala sang record sa Baranggay si Gonzales kung illegal ang paga hambalan apang gin siling nanan ni Police Chief inspector Ronnie Brillo, nga ginatabunan sang mga opisyales si Gonzales kag baliskad sa ila pahayag masobra na isa ka tuig nga gina monitor ini sang Pulis sa diin on off on off ang iya pag baligya.
