i Balita
November 17, 2019
(Photo from web)
SUBJECT SANG BUY BUST OPERATION SA AREVALO, PATAY MATAPOS NAGBATU SA MGA PULIS
Patay ang subject sang buy bust operation sa Barangay Dulunan, Arevalo matapos nagbatu sa mga pulis.
Ginkilala ang subject nga si Bernardo Chavez sang Cuartero, Jaro apang naga-arkila sang kuwarto sa Dulunan, Arevalo.
Ginhiwat sang Regional Drug Enforcement Unit ukon RDEU ang buy bust operation mga alas 6 kaina sang kasisidmon.
Subong man, gilayon nga gintiro ni Chavez ang ka-transaksyon sini matapos nasat-uman nga alagad ini sang kasuguan.
Bangud sini, gintiro man sang mga pulis ang subject kon sa diin nakaagum ini sang duha ka pilas sa kilid kag tatlo sa dughan.
Gilayon man ini nga gindala sa ospital apang mga alas 7:03 sini nga gab-i, gindeklarar ini nga napatay.
