Davao City – Dili masaligan ang gobyerno sa hisgutanang subsidy nga ihatag sa mga rice retailers nga naapektohan sa gipatumang price ceiling o pagbutang sa mas ubos nga presyo sa kilo sa bugas sa entero nasod.
Wa’y salig ang Rice Retailer nga si Rotse Palicte sa ayuda sa kagamhanan, tungod sa nasinatiang dili maayo sa gisaad nga subsidy nga ihatag sa gobyerno alang sa mga namaligya og bugas sa Agdao Public Market.
Miagi na og tagam si Palicte sa pagpanghilabot sa gobyerno, pinaagi sa paghatag og ayuda kay basi sa iyang kasinatian, gawas sa taas ang proseso, dugay usab nila madawat ug kung magsalig sila niini basin unya og maundang ang ilang negosyo.
Matud ni Palicte, ang sulbad sa taas nga presyo sa bugas, mao ang paggukod sa mga rice Importers nga maoy nagdikta sa presyo ug silotan usab ang mga distributors, aron ubos ang presyo sa bugas pag-abot sa merkado.
Radyo MaN Joel Viray
Facebook Comments
