Sa pakighinabi sa DXDC RMN Davao, iyang gibutyag nga usa sa kalisdanan panahon sa review mao ang expectations sa mga tawo nga dapat siya mupasar ug maka-top tungod siya nailang achiever nga estudyante ug nihuman sa kolehiyo nga Cum Laude.
Nagtuo si Mangmang nga dili niya mapasar ang maong exam tungod sa daghang mga pangutana nga wala siya kabalo sa mga tubag hinungdan nga nagpadala na siya daan og mensahe sa iyang pamilya ug mga higala para ipahibalong posible siyang mabagsak.
Apan, wala matud pa siya pakyasa sa iyang mga pag-ampo ug pagpaningkamot human nga siya nga nakakuha og 89.25% ug nag top 7 sa tibuok Pilipinas.
“Thank you sa inyong love, encouragement ug support. Since day one nagsalig na gyud mo sa akong capabilities bisan ako mismo sa akong sarili wala ko’y salig sa akong self. Ginadudahan nako kung kaya ba gyud nako, kung naa ba koy enough capability nga ma-achieve akong goal ug inyong mga expectations sa akoa. So, thank you kaayo kay wala mo ni-give up sa akoa,” mensahe pa ni Mangmang.
Alang usab sa mga aspirants nga mu-take og exam sunod tuig, tugon niya nga, “Be kind to yourself and give yourself some rest kung gikapoy na mo. Know when to stop. Kung stressed kaayo mo, di gyud bawal ang time for recreation.”
