Sudalo nga gikonsiderang high value target, sikop sa operasyon batok droga

41

*General Santos City— Arestado sa gipahigayong buybust operation sa kapulisan ang usa ka sundalo nga sakop sa 39th infantry battalion nga gikonsiderang usa ka high value target.*

*Sumala kang Pol. Lt. Col. Lino Capellan, tigpamaba sa Police Regional Office 12 nga alas 2 pasado ang takna sa hapon dihang gihimo ang buybust operation sa Tulunan, North Cotabato batok sa suspek nga si Sgt. Oscar Dapriza nga detachment commander sa Brgy. Lampagang, Tulunan North Cotabato.*


*Lakip matud pa sa naaresto ang kauban niining si Myrene Ferino, 45 anyos nga residente sa Glan, Sarangani Province. Dugang pamahayag ni Pol. Lt. Col. Capellan nga narekober gikan sa posisyon sa suspek ang usa ka gramo sa gituuhang shabu kantidad dul-an 7mil ka pesos.*

*Pagpaklaro niya nga nakonsiderang high value target ang suspek gumikan miyembro kini sa armadong kusog ma nasud ug empleyado sa gobyerno.*

*Sa kasamtangan, ang suspek ang balhog na sa lock up cell sa tulunan municipal police station ug ag-atubang na kini ug kasong kalapasan sa sec 5 ug 11 sa R.A 9165.*

*Gipaklaro man usab ni Pol. Lt. Col. Capellan nga nagpabiling epektibo ang kampanya sa gobyerno batok illegal nga droga gumikan aduna gihapo’y mga madakpan dili lang mga ordinaryong sibiliyan kundili lakip na ang mga empleyado sa gobyerno ug mga high value target*



*Saysay niya nga sa karon, mas hugot ug mas gipakusgan ang kampanya batok illegal nga droga sa rehiyon subay na usab sa direktiba ni pol. Bgen. Alfred corpus, ang regional director sa pro 12.*


*Ang pagkasikop matud pa kang Sgt. Dapriza ang nagpamatuod lang nga bisan ug asang ahensya sa gobyerno o posisyon ang gihuptan, kung nahilambigit sa illegal nga droga, siguradong adunay kabutngan.*

Facebook Comments