Sudanese national inatake it masakit sa tagipusuon, patay

8

Kalibo, Aklan – Patay rong sangka Sudanese national matapos nga atakehon it anang masakit sa tagipusuon kaina it aga-aga sa Sitio Sea view, Baybay, New Buswang, Kalibo.
Nakilaea rong biktima kay Gamal Aamid El Bashir El Nigomi, 55 -anyos, Muslim ag presente nga naga istar sa nasambit nga lugar.
Suno kay PSupt.Ulysses Ortiz it SOCO-Aklan nga nagresponde sanda sa luagr matapos nga nag request rong Kalibo PNP it dugang nga imbestigasyon ag sa andang pag-usisa hay naabutan nanda nga nagahamyangon rong biktima ag uwa eon it kabuhi.
Ginkumperma man suno kana ni Dr.Makarius Tel Aviv Dela Cruz, Municipal Health Officer it Kalibo nga heart attck rong ginkamatay it biktima.
Nasayuran kay Mr. Daryl Ravino, boardmate it biktima nga kaina it aga-aga hay nagpangayo it bulig ro anda pa gid nga ka boardmate nga baye nga rayang bitkima hay nagapakitabang.
Anda gin adtunan ag naka lock rong pwertahan rason nga anda gin pwersa ag sa pagsueod nakita rong biktima nagahamyangn ag nagabaeanaw ro anang ihi.
Anda pa gintinguhaan nga ma revive pero uwa eon naga response.
Nasayuran man nga rayang biktima hay na osptital man ko Sabado it aga-aga ag kahapon it agahon hay nag uli ag uwa eon makaguwa hasta nga imaw inatake kaina.
Rong biktima hay solohanon eamang sa anang gina rentahang boarding house.

Facebook Comments