Davao City- Gidunggab-angol ang usa ka estudyante sa gituohang sakop sa TPN kun Tropang Nara nga gang sa may Brgy. 10-A siyudad sa Davao.
Sa report gikan San Pedro PNP, gitago sa pangalan ang biktimang si alas Willie ug usa ka Grade 12 student nga taga Bangkal ning syudad samtang ang usa sa mga suspek nailang si Mike Berenguer, 18 anyos, Grade 9 ug nagpuyo sa Nacilla Village, Bugac Maa ning dakbayan.
Subay sa imbestigasyon nga sumala pa sa duha ka witness nga mga classmates sa biktima nga samtang nagbaklay ang biktima gikan sa usa ka kan-anan sa nahisgutang lugar, kalit kini gidungab matud pa sa suspek tumong sa walang likod duol sa iyang abaga hinungdan nakaangkon og samad ug taod-taod gitabangan og kulata uban ang laing upat pa ka mga kauban sa suspek.
Dugang sa report nga gituohang personal nga bangi ang hinungdan sa pagpanunggab diin ayha pa matud pa nahitabo ang insidente, nagdula pa matud ang duha og gambling game nga gitawag nga lucky 9.
Daling misibat ang mga suspek human sa pangitabo samtang ang biktima padayong nagpaalim sa SouthernPhilippines Medical Center kun SPMC.
RadyoMaM Don Pulayao
