Caloocan City – Sugatan ang isang pulis at kasama nito matapos silang pagbabarilin sa Barangay 117 sa Caloocan City.
Patuloy na ginagamot sa ospital ang 43-anyos na si PO1 Allan Nocom na nakatalaga sa Basilan Police Station kung saan tama ng bala naman sa braso ang nangyari sa kasama nitong si alyas “Dodong”.
Sa imbestigasyon, nag-uusap ang dalawa sa tapat ng bahay ng biktima nang biglang dumating ang dalawang lalaking sakay ng motorsiklo.
Biglang bumunot ng baril ang mga suspek saka pinagbabaril ang mga biktima.
Palaisipan naman sa pamilya ng biktima ang motibo sa krimen lalo na at kakauwi lamang ng nasabing pulis galing sa Basilan.
Facebook Comments
