Gihulagway ni PNP Chief , Director -General Oscar Albayalde nga nagpabiling hotspot ang Sugbu sa ilegal nga drugas .
Matud ni Albayalde base kini sa gidaghanon sa mga drugas nga nasakmit bisan sa subsob nga operasyon sa kapolisan batok sa drugas .
Gawas sa kadaghan gihapon sa drugas nga nasakmit sa kapolisan sa ilang anti-drug operation ang laing nakapabalaka ni Albayalde mao nga adunay ubay-ubay nga mga polis nga nalambigit sa kalihukan sa drugas .
Sud ning buwana duha ka polis ang namatay , nga pulos usab gilambigit sa ilegal nga drugas . .
Una ang pulis nga si Sr. Inspector Raymond Hortezuela nga napatay sa buy-bust operation .
Samtang sa niaging Miyerkoles ang gipusil patay nga si PO3 Jonathan Yaun Tilos , giingong anaa usab sa drug watchlist sa PNP.
