Cuartero, Capiz- Patay ang 48-anyos nga magulang matapos ini ang ginlabo sang mismo manghod alas 11:30 sang gab-e sa Brgy. Carataya banwa sang Cuartero.
Gindangat pa sa Dao District Hospital ang biktima nga si Sonny Lanto y Lonasco apang ini ang gindeklarar nga dead-on-arrival bangud sa mga kapilasan nga iya naangkon sa sag-ang kag liog.
Ginatudlo nga suspek ang manghod sini nga nakilala kay Rodney Lanto nga gilayon nadakpan sang mga CVO kag gin-turn over sa mga kapulisan.
Suno sa imbestigasyon, upod man nga nag-inom ang mga ini apang bangud nga lunsay na nga hubog liwat nga naungkat ang tema-tema sa tunga sang mga ini rason sang paglabo sang suspek sa biktima.
Facebook Comments
