Human naaprobahan sa House Committee on Basic Education and Culture ang gidusong sugyot sa pag-amyenda sa K to 12 Basic Education Program o dili na himuong mandatory ang senior high school, gikalipay kini sa pipila ka mga estudyanteng buot nang mutrabaho pagkahuman og junior high school.
Apan sa pakighinabi sa DXDC RMN Davao sa usa ka 3rd year high school student na si Mai Corpuz, gibutyag niya nga kung pilion sa mga estudyanteng dili mag senior high, aduna’y gap o makaapekto kini sa ilang pagpanarbaho pag-abot sa panahon.
Tungod matud pa bisan og aduna na kay kaalam ug kahanas, aduna’y mga kompanya o trabahoan nga mas pilion pa kadtong nakahuman gyud og senior high.
Ilawom sa maong sugyot, ang mga junior high school completers mahatagan og higayon nga mamili sa duha ka education pathways nga mao ang college preparatory program ilawom sa Department of Education (DepEd) ug Technical-Vocational Program ilawom sa Technical Education and Skills Development Authority (TESDA).
RadyoMaN Ivy Parido
Facebook Comments
