Umentuhan ang sweldo sa atong kapulisan
Iimplementar sunod tuig sa kagamhanan
Philippine National Police pinakabulahan
Musamot kaha ang ilang pagkakugihan?
Umento sa suhulan gisaad sa pangulo
Saad sa eleksyon diin siya mikandidato
Karon nga siya na ang midala sa gobyerno
Pamilya sa pulis maoy unang makabenipisyo.
Walay kabutangan ang kalipay sa mga asawa
Pulis nga bana kada bulan dako nag makubra
Asawa sa pulis musamot na gyud ug kagwapa
Paigo na ang sustentong isuporta sa pamilya.
Kitang mga katawhan igo lang manghinaot
Kapulisan doblehon ang ilang paningkamot
Unta mukunhod ang krimen sa atong palibot
Aron taxpayer dili musangko sa pagbagotbot.
RadyoMan Erin Lumosbog
Facebook Comments
