Tapaz, Capiz – Isa na naman ka insidente sang suicide ang natabo sa Brgy Da-an Banwa, Tapaz kag menor de edad nga bata nga lalaki ang biktima. Alas 10:30 sang gab-i sang nakit-an sang iya tiya nga si Evangelyn Valderama ang lawas sang biktima nga nagabitay sa puno sang abokado kag wala na sang kabuhi. Gingamit sini sa pag-utas sang kaugalingon nga kabuhi ang isa ka nylon cord. Base sa inisyal nga pagpangusisa sang kapulisan, nagasuprer sang depresiyon ang amo nga biktima. Nahibaloan nga naga-istar lamang ini sa poluy-an sang iya tiya bangud ang iloy ang nagatrabaho sa iban nga pungsod bilang isa ka OFW.
Facebook Comments
