SUICIDE | 38 – anyos nga lalaki, gintiro-patay ang kaugalinon sa banwa sang Dumarao

Dumarao, Capiz – Ginbawian sang kabuhi ang isa ka lalaki matapos naghikog pinaagi sa pagtiro sang iya kaugalingon gamit ang armas luthang sa Barangay Bungsuan, Dumarao Capiz
Ginkilala ang biktima kay Francis Quinsay 38 anyos kag residente sang nasambit nga lugar. Ba-se sa imbestigasyon sang Dumarao PNP, nagapangape ang pila sa mga himata sang biktima sa sulod sang balay kag hinali na lamang nga nakabati sila sang lupok sang armas luthang.
Nasapwan na lamang nila nga nagapaligo na sa kaugalingon nga dugo ang biktima kag patay na. Narekober sa posisyon sang biktima ang .22 calibre revolver nga armas luthang nga gingamit sa pagluthang sa iya kaugalingon.
Nag-angkon sang igo sang bala sa sag-ang ang biktima nga amo ang gintunaan sang iya kamatayon. Samtang, may kaangtanan sa family problem ang isa sa mga ginalantaw nga rasun sang nasambit nga insidente.
(Photo from Web)

Facebook Comments