Davao City – Na-recover na sa Scene of the Crime Operatives (SOCO) team sulod sa stock room sa Office of the Special Assistant to the President (OSAP) sa may Veloso St., Brgy. 20-B Bo. Obrero ning syudad ang usa ka .38 nga pusil nga adunay serial # nga ZL99769 ug adunay sulod pa nga upat ka bala ug usa ka basiyo sa bala nga maoy giingong gigamit sa staff ni SAP Christopher ‘Bong’ Go aron sulayan og hunos ang iyang kinabuhi.
Nagpabilin pa karon sa San Pedro Hospital ang biktima nga si Leo Aranas kinsa adunay samad-pinusilan sa ulo human sa insidente.
Sa interbyu sa DXDC RMN Davao kang Davao City Police Office P/Sr. Insp. Ma. Teresita Gaspan nga walay namatikdan ang mga kauban nga staff ni Aranas ug mismong ang kapuyo niini nga adunay problema o adunay nakaaway ang biktima.
“Wala pay motibo nga nahatag kung unsa bay posible nga rason o personal ba nga problema or connected ba sa trabaho,” matud ni Gaspan.
Matud ni Gaspan usa sa ilang imbestigahan karon kung aduna bay foul play ang insidente.
Kahinumduman alas-11:00 sa buntag kagahapon nakurat na lang ang kauban sa trabaho nga si Lourdes Gonzales sa dihang kalit lamang aduna silay nadungog nga masipang buto sa armas sulod sa stock room diin namatikdan nilang nisulod ang biktima.
RadyoMaN Aimee Guinita
