Suicide Crisis Management Team sang Roxas City, maga-convene sa maabot nga adlaw sang Lunes!

106

Roxas City, Capiz- Maga-convene sa palaabuton nga Hulyo 15, Lunes nga adlaw alas 2 sang hapon sa Kapis Mansions ang nagkatuhay nga stakeholders nga magabug-os sa Suicide Crisis Management Team agud hinalaan ang pagtaas sang kaso sang suicide sa syudad sang Roxas. Sa official statement ni Mayor Ronnie Dadivas guinpahayag sini ang pagkaalarma sa magkasunod nga insidente sang pagpanginmatay sa diin kalabanan sa biktima ang pamatan-un. Nahibaluan nga sang Hulyo 3 nag designar na sang medical authority ang alkalde agud magplastar sang framework agud maresolbar ang krisis. Guinarekognisar sini ang kakinahanglang sang guilayon nga pag-organisar sang team kag komite nga magadihon sang istratihiya kag action plan nga magadeterminar sang programa, proyekto kag aktibidades nga mahimo ipatuman. Ang nasambit nga team/ komite amo man ang maga-monitor kag maga-supervise sa natumod nga PPA’s. Kabahin sa guinpatawag agud mag-convene amo ang City Health Office, Provincial Health Office, Department of Health, Capiz Medical Society, DepEd – Roxas Division, Capsu Main, Capsu Dayao, DILG, ABC President, SK President , BSW / BHW Presidents, Religious Sector , PIA, KBP member & non member stations, Print Media kag R-Cert Base sa pinakaulihi nga datus may 6 na ka suicide cases ang opisyal nga nareport samtang may tatlo pa nga nagahulat sang opisyal nga report sang PNP.
– (RCCG)

Attachments area


Facebook Comments