Roxas City, Capiz- Patay ang isa ka Israeli national matapos nga ini ang gina-alegar nga naghikog samtang yara sa ila ginapuy-an sa Andrada Subdivision sa Brgy Banica.
Suno sa asawa sini nga si Maria Melanie, nasapwan na lamang ang 58-anyos nga biktima sa beam sang ila gina-rentahan nga apartment nga nagabitay na kag may nahigot nga nylon cord sa liog sini.
Ginpatigayon pa ang tul-id nga imbestigasyon agod nga matumod ang rason snag pagkimiter sini sang suicide. Nahibaloan nga may yara pa sang sulat nga ginbilin ang biktima sa diin nasulat nga iban nga lengguahe.
Suno sa impormasyon may yara sang ginabatyag nga balatian ang biktima.
Samtang namalibad naman ang asawa sini nga ipaidalom sa autopsy ang bangkay sang bana base man sa pagtuluohan sang mga ini sa relihiyon nga Islam.
