Maayon, Capiz- Wala na sang kabuhi sang masapwan sang iya pamilya ang 42-anyos nga lalaki sa Sitio Calapawan Barangay Poblacion Tabuc, Maayon, Capiz alas 4 sang hapon.
Ini ang gina-alegar nga nagpanginmatay matapos nga nadiskubrehan ang nagabitay nga lawas sa puno sang mahogany.
Ang biktima ang ginkilala kay Richard Diel y dela Cruz nga residente sang nasambitan nga lugar.
Gingamit sini sa pag-utas sang kaugalingon nga kabuhi ang 2.5 meter nga kalabaon sang pisi.
Gintinguhaan pa nga dal-on sa Bailan District Hospital ang biktima apang gindeklarar sang doktor nga dead-on-arrival.
Suno sa pagpangusisa sang kapulisan, indi ini amu ang una nga tiun nga nagtuyo sa pagpanginmatay ang nasambitan nga biktima bangud sang nakaligad nga semana, ginplano man sini nga utason ang kaugalingon nga kabuhi.
Ginapatihan nga ang nabatyagan nga depresiyon bangud sa ginasuprer nga balatian ang nagtulod sa biktima nga magkomiter sang suicide.
Nahibaloan nga wala ini sang asawa kag duha na lamang sila sang iya iloy ang magka-upod nga nagapangabuhi.
⊙ web photo
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
