Tapaz, Capiz – Ginbawian sang kabuhi ang isa ka mister matapos gin-alegar nga naghikog sa bilasyunan paagi sa pagluthang sa kaugalingon sa Barangay Apero, Tapaz, Capiz.
Ginkilala ang biktima sa kay Romel Gardose, 33-anyos, tumandok sang Barangay Cristina, banwa sang Tapaz.
Sa impormasyon nga nakuha sang DYVR RMN Roxas, nagpadulong ang biktima sa bilasyunan upod sa bayaw sini nga si Jaquelyn Gabucay.
Suno sa report, problemado si Gardose kag gina-istorya sini ang iya kaugalingon.
Ginkakibot na lamang sang pila sa mga residente nga nagbunot sa armas luthang ang kag ginluthang ang kaugalingon.
Nag- angkon sang igo sa ulo ang biktima nga gintunaan sang iya kamatayon.
Nahibaluan nga nagaproblema ang nasambit nga mister bangud talagsa nalang nagatawag sa iya ang asawa nga isa ka Overseas Filipino Worker (OFW).
