SUICIDE | Tatlo ka mga persona, ginapahayag naghikog-patay kahapon nga adlaw sa probinsya sang Capiz!

577

Roxas City, Capiz – Tatlo ka mga persona ang ginbawian sang kabuhi kahapon nga adlaw matapos ang mga ini ang ginapahayag naghikog.
Sa Brgy Santo Nino sa banwa sang Dumalag, wala na sang kabuhi sang nasapwan alas 5:55 sang kaaganhon ang 23- anyos nga lalaki matapos ini ang nagpanginmatay gamit ang ginsugpon-sugpon nga bayo antes nagbitay.
Suno sa iloy sini, alas 5:30 sang aga sang gintimplahan pa sang gatas ang amo nga biktima. Nahibaloan nga ini ang may yara sang ginasuprer nga nervous breakdown.
Alas 10 sang aga sa Brgy Concepcion sa amu man nga banwa, naabtan na lamang sang asawa nga si Criselda Felasol nga wala na sang kabuhi kag nagabitay sa balayan sang poluy-an ang 37-anyos sini nga bana matapos man nga nagsuicide.
Ginapahayag nga madugay na nga binulan nga bulag ang mga ini kag ginapatihan amo ang isa sa rason sang pagpanginmatay sang biktima.
Samtang diri sa syudad sang Roxas, isa man ka pamatan-on kag estudyante sang isa ka pribado nga unibersidad ang nagkomiter sang suicide pinaage sa paghikog sang nylon cord sa iya liog.
Ginapatihan nga ang tuman nga depresisyon bangud sa wala pa matumod nga problema ang rason sang pagkomiter sini sang suicide.
Makit-an sa pinaka-last FB story sini ang mga post nga ini ang may ginaagyan nga problema.

Facebook Comments