Suicidio

Porcausa na simple discucion entre el nana y su anac muher ya pensa su anac para termina su vida pormedio de culga su pescueso adentro del diila casa na Dump Site, Talon-Talon del Martes.
Muerto el un 22 anios de edad muher cuando ya descubri conele su nana alas 7 ya del noche.
El pulis ya abla aga del Martes ya tene discucion el moher y su nana porcausa asegun con el deste fadrasto.
Ya camina el nana y denoche ya le ya llega na casa y ya nota le serao el diila casa pero abierto el radio y espagao el luz.
Porcausa deste ya pidi el nana ayuda con el maga bisinos para abre con el puerta del casa.y ya sale sila sorpresao cuando ya mira sila bitay ya el su ija y muerto ya.
Ya abla tamen el nana que tiene tambien problema su ija y su nobyo quien un soldao designao na Sulu.