Roxas City, Capiz – Patay ang tatlo (3) samtang pilason ang apat (4) ka soldado sa engkwentro nga natabo sa tunga sang 94th Infantry Battalion kag New Peoples Army (NPA) kaina pasado las 9 sang aga Abril 19 sa Sitio Tugas, Barangay Carabalan syudad sang Himamaylan.
Isa sa mga napatay sa engkwentro si CPL Joel Nobleza sang Barangay Jagnaya, Jamindan, Capiz. Ginbawian ini sang kabuhi samtang ginabulong sa ospital./
Kalakip man sa napatay amo sanday 2LT Ralf Amante Abibico kag PFC Carl Venice Bustamante.
Sa report sang Himamaylan PNP, ang tropa sang gobyerno ang nagapatigayon sang security patrol sa nasambit nga barangay angut sa pagtagtaganay sang kwarta sa benepisyaryo sa Social Amelioration Program (SAP) sang DSWD para sa apektado nga pamilya sang enhanced community quarantine (ECQ) apang samtang sila ang nagapalapit na sa lugar sang mga armado nga NPA hinali nga may naglupok nga improvised explosive device (IED) kag ginhabuyan pa sila sang hand grenade.
Naglab-ot sa 30 minutos ang bayluhanay sang lupok sa tunga sang duha ka grupo kag patay dire sa engkwentro (killed-in-action) ang duha ka katapo sang military dala na diri ang ila platoon leader.
Gilayon naman nga gin pang-airlift sang military choppers ang mga nagkalasamaran padulong sa syudad sang Bacolod apang isa pa gid dire ang ginbawian sang kabuhi.
Sa pahayag naman ni Ka Juanito Magbanua sang CPP Central Committee nga nagapatigayon sila sang community health campaign sa Sitio Kamuag sang natabo ang engkwentro.
via- DYHB RMN Bacolod
