Sa privileged speech atol sa regular session sa konseho kagahapon adlawa, gipalanog ni Abella ang iyang kabalaka sa kahimtang sa mga mag-uuma karon nga wala na’y nagkumpra sa ilang pananom nga abaca diin nasayran nga aduna ma’y mga mag-uuma mangilkil na lamang sa muagi nga trader ug fish car aron dunay pagkaon ang ilang mga pamilya.
Mas misamot pa ang kaguol sa dihang iyang nasayran ang panganti sa ubang mga mag-uuma sa katribuhan nga mubalik na lamang sila sa kalihokan (NPA) kung dili sila matabangan sa gobyerno sa ilang sitwasyon karon.
Ang area sa Paquibato kanhi gikutahan sa Pulang Bagani Command nga gipamunoan ni kanhing Kumander Parago sulod na sa pila ka dekada ug daghan na usab nga kinabuhi sa mga sundalo ug sibilyan ang nakalas una nakab-ot ang free-insurgency sa maong dapit.
Alayon ani, nagduso karon og resolusyon si Abella sa konseho aron magmugna og Abaca Seed Program maingon man sa pagtukod og Tissue-Culture Laboratory alang sa abaca seedlings ug uban pang cash crops.
Giingon ni Abella, ang maong programa usa ka lakang nga magtubag sa krisis sa mga mag-uuma sa abaca ug masanta ang pag-usbong sa rebelyon sa mga barangay sa naasoy nga distrito.
Kung ugali ma-aprubahan ang resolusyon kabahin sa pagahimoon mao ang inventory and profiling sa apektadong mga mag-uuma, short term provision of food, provision sa cash-crop seedlings, cash for work, pagtukod og laboratoryo alang sa abaca ug uban pang pananom ug distribution of seedlings.
Nasayran ang NewTech Pulp nagpadala og suwat sa Philippine Fiber Industry Development Authority niadtong 2022 ug nagpahibalo nga dili na sila mangumpra sa daratex variety sa abaca nga maoy gipananom sa mga katribohang mag-uuma sa rehiyon onse sa rason nga dili pasado sa international standard ang 32% nga fiber recovery maong gipamutol na lamang sa mga mag-uuma ang ilang pananom nga abaca.
RadyoMaN Joel Viray
