Sulong kabataan program og Sangguniang Kabataan partner sa kalambuan sa mga kabatan-unan sa Sarangani Province

Sarangani Province–Nagpadayon lang ang Sulong Kabataan program ni Governor Steve Chiongbian Solon og ang Sangguniang Kabataan sa pagpanguna ni Provincial SK Federation President Board Member Reymar Dian nga mahatud ang mga programa og kalihukan nga haum sa gikinahanglan sa mga kabatan-unan sa Sarangani Province.

Sa labing una nga higayon, natigayon bag-uhay lang ang Sinag Kabataang Sarangan Awards kung diin nag-ila kini sa tanang kabataan og grupo sa mga kabataan nga nakahatag og kontribusyon sa kaayuhan sa ilang mga munisipyo og barangay.

Nakadawat og award sa group category ang maabtikon og kugihan nga mga kabataan sa Malungon gitawag nga Malungon Youth Movement og apil na ang naka-basi sa Malapatan ang Samahan ng Kabataang Volunteer. Samtang sa individual young professional category, nakuha sa batan-ong magtutudlo sa Lun Padidu Malapatan National High School ang pasidungog pinaagi ni Rex Ronald Lipang tungod sa iyang gimugna nga inisyatibo gitawag nga ā€œModelo ang Classroomā€ nakahatag inspirasyon sa mga bata sa pag-eskwela. Gitagaan pud og special citation ang SK chairman sa Lun Padidu Malapatan nga si Archie Gutang.


Kagahapon, malipayon nga nahuman ang labing una nga Sarangani-Sultan Kudarat Cultural Youth Exchange Program didto mismo sa Sultan Kudarat. Sunod tuig, ang mga kabataan na usab sa Sultan Kudarat ang muduaw sa Sarangani Province. Walay laing katuyuan kundili nga mas masabtan pa sa mga kabataan ang nagkadaiyang kultura og tradisyon dinhi sa Region 12.

Facebook Comments