Davao City – Adunay gayuy mga higayon sa kinabuhi sa tawo nga tawgon kita sa kahigayunan nga mobarug, motindog ug panalipdan ang atong nasud sa ngalan sa atong national survival kun kalingkawasan ug sukdon ang atong katakos.
Sa mga panahon sa gubat, gyera o terorismo or bin ba kaha kun ang kriminalidad molipang na’g maayo nga hasta ang atong tagsa-tagsa ka mga panimalay ug sosyedad hulga-on na’g maayo, kitang mga yano ug nagmalinawong katawhan hagiton nga mogamit ug kusog alang sa atong depensa.
Walay dautan sa laraw ni Pres. Rodrigo Duterte nga armasan ang mga ROTC graduates and reservists sanglit mandato man gayud sa maong klase sa pagbansay sa kabatan-onan mao man gayud ang pagseguro nga ang iyang mga lungsuranon kaantigong manalipod sa tagsa-tagsa ka mga komunidad.
Tama lamang nga ang matag usa kanato kaantigong manalipod sa atong mga mahal sa kinabuhi, sa atong gihaguan nga mga kabtangan gikan sa mga tawong kansang kalipay mao ang paghasi sa katilingban sama sa mga Islamist terrorists ug sa New Peoples Army kinsa padayong nagasabwag ug kasamok kontra sa atong kalinaw sa katawhan nga nanimuyo sa kabukiran.
Gawas pa niana nga mga internal threats, angay usab nga andam kitang protektahan kining nasura kun adunay mga langyaw’ng pwersa sama sa ISIS ug uban pa nga moyagaw sa atong hapsay ug hamugaway nga matang sa pagkinabuhi ibabaw ning kalibutan.
RadyoMaN June Duterte
